ភូមិមួយនៅឡាវ ទាក់ទាញទេសចរណ៍ ដោយសារគ្រាប់បែកក្នុងសម័យសង្គ្រាមវៀតណាម

ភូមិមួយដែររងគ្រោះដោយសារគ្រាប់បែកខ្លាំងបំផុត ជាកន្លែងដែលអ្នកទេសចរណ៍ស្គាល់តិចបំផុត នៅលើផែនទីទេសចរណ៍អាស៊ីអាគ្នេយ៍ ប៉ុន្តែកន្លែងនោះសក្ដិសមបំផុតសម្រាប់អ្នកទេសចរណ៍ដែលចង់ឃើញកាកសំណល់ និងភាពខ្ទេចខ្ទីដោយសារសង្គ្រាម ។
ភូមិមួយនេះ នៅក្នុងខេត្ត Xieng Khouang មានទីតាំងប្រហែល៣០គីឡូម៉ែត្រពីទីក្រុង Phon Sa Vanh នៅភាគនិរតីទីក្រុងវៀងចាន់ ប្រទេសឡាវ មានព្រំប្រទល់ជាប់នឹងប្រទេសវៀតណាម ។

អ្នកទេសចរណ៍អាចមើលឃើញពីសសរផ្ទះមួយចំនួន ត្រូវបានអ្នកស្រុកសង់ឡើងពីសម្បកគ្រាប់បែក ដែលអាមេរិកបន្សល់ទុកក្នុងអំឡុងសង្គ្រាមវៀតណាម ដែលខេត្តនេះទទួលរងការទម្លាក់គ្រាប់បែកយ៉ាងខ្លាំង ។

ផ្ទៃដីវាលរាប់សិបហិកតាត្រូវទុកចោល ប្រជាជនដែលរស់នៅទីនោះ បានយកយុទ្ធភណ្ឌសំណល់សង្គ្រាម និងសម្បកគ្រាប់បែកទាំងនោះធ្វើជាវត្ថុផ្សេងៗដើម្បីប្រើប្រាស់ ដូចជាធ្វើសសរផ្ទះ របងផ្ទះ ទូក រួមទាំងរបស់របរប្រើប្រាស់ផ្សេងៗទៀត ៕